ЕКСКЛУЗИВНО Авантура: КАЊОНИНГ во Зовиќ

Description

Иновативна авантура која не може да се доживее никаде на друго место освен во Мариовскиот крај. За време на турата, водени од специјално обучени водичи-инструктори, облечени во професионални заштитни одела, гостите – авантуристи влегуваат и се движат низ еден од најубавите кањони во Македонија – кањонот на реката Градешка во атарот на селото Зовиќ.

Реката Градешка со својата беспрекорно бистра вода, специфичната камена структура на нејзиниот кањон како и филмскиот мост познат по филмовите на македонскиот режисер Милчо Манчевски, на гостите ќе им понуди уникатно доживување вредно за паметење и прераскажување.

Турата нуди и несекојдневна прилика за три дена гостите со водич да се запознаат со специфичната историја и природа на еколошки најчистиот крај во Македонија – Мариово. Сместени во Зовиќ вашата трпеза ќе биде месо под сач, мариовско сирење и локално произведени зеленчук и овошје, месено лебче. Сместувањето е во село Зовиќ веднаш до реката Градешка, во недопрена природа и мир. Вистинска АВАНТУРА за пријатели и семејства!

Технички информации